Af hverju verður húðin lausari – og hvernig virkar húðþétting?
Margir tengja lausa húð eingöngu við aldur.
En í raun er aldur aðeins hluti af myndinni.
Við sjáum daglega einstaklinga sem eru í góðu formi, hreyfa sig reglulega og hugsa vel um heilsuna sína, en eru samt ósáttir við ákveðin svæði þar sem húðin hefur orðið lausari.
Oft eru það breytingar á líkamanum sem liggja þar að baki.
Þegar líkaminn breytist
Meðganga, þyngdaraukning og þyngdartap geta haft mikil áhrif á húðina.
Þegar húðin teygist þarf hún að aðlagast nýrri stærð líkamans.
Þegar breytingarnar ganga svo til baka nær húðin ekki alltaf að fylgja með að fullu.
Þess vegna upplifa margir að laus húð sitji eftir á ákveðnum svæðum eftir meðgöngu eða þyngdartap, jafnvel þótt þeir séu komnir aftur í fyrra form.
Hlutverk kollagens og elastíns
Til að skilja af hverju þetta gerist þarf að skoða tvö mikilvæg prótein í húðinni: kollagen og elastín.
Hvað er kollagen?
Kollagen er eitt mikilvægasta byggingarefni húðarinnar.
Það veitir húðinni styrk, stuðning og þéttleika og gegnir mikilvægu hlutverki í að viðhalda þéttleika og teygjanleika húðarinnar.
Þegar kollagenframleiðsla minnkar verður húðin smám saman síður fær um að viðhalda styrk, þéttleika og teygjanleika sínum.
Áhrifin geta orðið enn meiri ef húðin hefur teygst, til dæmis vegna meðgöngu, þyngdaraukningar eða annarra breytinga á líkamanum.
Hvað er elastín?
Elastín er prótein sem gefur húðinni teygjanleika.
Það hjálpar húðinni að teygjast og dragast aftur saman þegar líkaminn breytist.
Þegar framleiðsla elastíns minnkar verður húðin síður teygjanleg og getur orðið slappari.
Elastín vinnur náið með kollageni að því að viðhalda styrk, þéttleika og teygjanleika húðarinnar.
Hvað eru bandvefsfrumur?
Bandvefsfrumur eru sérhæfðar frumur í húðinni sem framleiða kollagen og elastín.
Þær gegna lykilhlutverki í náttúrulegri endurnýjun húðarinnar og hjálpa til við að viðhalda styrk, þéttleika og teygjanleika hennar.
Með tímanum hægir á virkni bandvefsfrumna sem framleiða þessi prótein.
Afleiðingin er sú að húðin verður smám saman síður fær um að viðhalda styrk sínum, þéttleika og teygjanleika.
Af hverju breytist þetta með tímanum?
Þegar húðin teygist vegna meðgöngu, þyngdaraukningar eða annarra breytinga á líkamanum, eða þegar þyngd tapast, getur hún átt erfiðara með að dragast að fullu saman aftur.
Þá getur laus húð setið eftir á ákveðnum svæðum.
Á sama tíma hægir smám saman á náttúrulegri framleiðslu kollagens og elastíns með aldrinum.
Þess vegna geta bæði breytingar á líkamanum og eðlilegar breytingar sem fylgja aldrinum stuðlað að lausari húð.
Af hverju virkar líkamsrækt ekki alltaf á lausa húð?
Líkamsrækt getur styrkt vöðva og hjálpað til við að minnka fitu.
Margir ná aftur sínu fyrra formi, en finna samt að ákveðin svæði líta ekki út eins og þeir bjuggust við.
Ástæðan er sú að vöðvar og húð eru ekki sami hluturinn.
Þú getur styrkt vöðvana undir húðinni og minnkað fitu á svæðinu, en það þýðir ekki endilega að húðin sjálf dragist saman á sama hraða.
Þess vegna upplifa margir að þeir séu ánægðir með líkamsformið sitt en ósáttir við lausa húð á ákveðnum svæðum.
Hvernig virkar UltraBody húðþétting?
UltraBody tæknin byggir á markvissri vefjahitun sem örvar náttúrulegt endurnýjunar- og viðgerðarferli húðarinnar.
Í meðferðinni hitum við vefinn markvisst upp í um 40–42°C.
Við það fara af stað sömu líffræðilegu viðbrögð og þegar líkaminn þarf að gera við húð og vefi.
Til að skilja þetta betur má hugsa um hvað gerist þegar húðin fær sár, bruna eða verður fyrir hnjaski.
Líkaminn bregst sjálfkrafa við með því að virkja viðgerðarferli sitt til að það grói.
Bandvefsfrumur verða því virkari og framleiðsla kollagens og elastíns eykst til að hjálpa líkamanum að gera við, byggja upp og endurnýja svæðið.
UltraBody tæknin nýtir sömu náttúrulegu viðbrögð líkamans.
Með markvissri hitun fær líkaminn skilaboð um að hann þurfi að gera við vefinn á svæðinu.
Við það virkjast bandvefsfrumur sem auka og hraða framleiðslu kollagens og elastíns.
Þess vegna byggist árangurinn ekki eingöngu á tækninni sjálfri heldur á því hvernig líkaminn bregst við meðferðinni.
UltraBody tæknin er í raun að virkja náttúrulegt viðgerðarferli líkamans svo hann fari sjálfur að byggja upp og endurnýja vefinn og húðina.
Aukin framleiðsla kollagens og elastíns hjálpar húðinni að verða stinnari, þéttari og teygjanlegri með hverri meðferð sem líður.
Ferlið fer af stað strax í meðferðinni og svo tekur það líkamann nokkrar vikur að klára að byggja upp nýtt kollagen og elastín.
Þess vegna heldur árangurinn áfram að þróast eftir að meðferð lýkur.
Að jafnaði tekur það um 8 vikur fyrir líkamann að ljúka stórum hluta þessarar uppbyggingar.
Þess vegna segjum við að endanlegur árangur af húðþéttingu sjáist yfirleitt um 8 vikum eftir að meðferðarprógrammi lýkur, þótt flestir fari að sjá og finna breytingar mun fyrr á leiðinni.
Niðurstaðan
Laus húð er algengari en margir halda og er oft afleiðing breytinga sem líkaminn hefur gengið í gegnum.
Hvort sem orsökin er meðganga, þyngdartap eða eðlilegar breytingar sem fylgja aldrinum, þá snýst húðþétting um að styðja við eigin endurnýjunarferli líkamans.
Þess vegna leggjum við svona mikla áherslu á kollagen, elastín og bandvefsfrumur.
Það eru þessir þættir sem hjálpa húðinni að byggja sig upp á ný og verða sterkari, þéttari og teygjanlegri með tímanum.
Skoða UltaBody Lift meðferðir hér
