UltraBody BBL BUTTLIFT

Hin fræga BBL (Brazilian Butt Lift) er nú loksins fáanleg án allra inngripa með UltraBody BUTTLIFT.
Mótaðu og lyftu rassinum í 50 mínútna langri meðferð.

UltraBody BUTTLIFT er bylting í mótun, stækkun og lyftingu á rassinum á öruggan máta án skurðaðgerðar. 

Í UltraBody BUTTLIFT er þríglýseríðin (niðurbrotin fita með UltraBody CONTOUR tækninni)  notuð til að lyfta og stækka rassinn með það að markmiði að fá velmótaðann, þéttann og stinnann afturenda.

Við getum bæði bætt við ummál eða minnkað ummál á rassinum eftir hvað hentar, þar sem óskir hvers og eins viðskiptavinar eru mismunandi.

Munurinn á UltraBody BBL Buttlift og UltraBody BBL full Buttlift er sá að fyrri meðferðin er hugsuð fyrir þá sem vilja móta og lyfta rassinum og vinna á húðinni en vilja minni umbreytingu og stækkun heldur en við náum með BBL FULL Buttlift meðferðinni.

UltraBody BBL Buttlift

Skref 1: Við byrjum á því að undirbúa fitufrumurnar á aftanverðum lærum og/eða neðra baki með mildri Laser Lipo tækni. Þetta skref örvar fitufrumurnar á svæðinu og breytir eiginleikum himnu fitufrumanna til að undirbúa svæðið fyrir næstu skref.

Skref 2: Næst förum við með öflugar hljóðbylgjur djúpt inn í fitulögin á aftanverðum lærum og/eða á neðra baki til að brjóta niður fitu í fitufrumunum – allt án nokkurra óþæginda. Með því að nota hljóðpúlsa umbreytist fitan í fljótandi þríglýseríð sem lekur svo út úr fitufrumunum þannig að eftir verður tóm fitufruma sem má helst líkja við rúsinu.

Skref 3: Næst er beitt sértækum hita á dýpri húðlög rassins og aftanverðum lærum til að stuðla að húðstyrkingu og stinnleika. Þessi stjórnaða hitun á húðinni örvar framleiðslu á kollageni og elastíni ásamt því að flýta fyrir endurnýjun frumna, sem leiðir til sléttari og stinnari húðar með minni appelsínuhúð.

Skref 4: Þetta skref fíneserar húðina, bætir blóðflæði og ólíkt í öðrum meðferðum beitum við stöðugu og öflugu sogi til að losa um stíflur og bæta áferð appelsínuhúðar. Þessi tækni hámarkar lyftingu á rassinum fyrir aukin árangur. Ólíkt öðrum UltraBody meðferðum beitum við meiri sogkrafti og færum handfangið upp frá aftanverðum lærum að efsta hluta rassins til að flytja, tæma og lyfta. Brotna fitan (þríglýseríð) er með þessu móti nýtt til að móta fallegan og þrýstin afturenda. 

Heildartími meðferðar er 50 mínútur.

Nú geturðu þétt lausa húð, losað þig við staðbundna fitu, lyft og mótað rassinn, án áhættu sem fylgir skurðaðgerð.

UltraBody meðferðirnar sameina nokkra þætti í einu og sömu meðferðinni og er þetta því heildstæð meðferð sem vinnur á staðbundinni fitu, húðstyrkingu og húðþéttingu, appelsínuhúð og líkamsmótun allt í senn. 

Spurningar og svör

Fyrir hverja hentar UltraBody Buttlift meðferðin best?

Við sjáum bestan árangur hjá viðskiptavinum sem hafa einhverja fitu til að vinna með og vöðva til að byggja á. Viðskiptavinir sem hafa mjög litla fitu á eða í kringum svæðið og lítinn vöðvamassa á svæðinu taka lengri að byggja upp rassinn og sjá ekki sömu loka útkomu og fyrri hópurinn.


Finn ég til eftir UltraBody Full Buttlift meðferðina og eru einhverjar aukaverkanir?

Viðskiptavinir eru oft með „vægar“ aukaverkanir, svo sem bólgu og roða á meðhöndluðu svæði, sem bæði hverfur mjög fljótt á eftir meðferð. Innan við klukkutíma eru bólgur og roðinn að mestu farin. Möguleiki er á að fá mar eftir fyrstu skiptin sem hverfa venjulega alveg innan þriggja daga frá meðferð. 


Hvað þarf ég mörg skipti af UltraBody Buttlift?

Fjöldi skipta fer eftir hve miklum árangri þú vilt ná fram og svæðinu sjálfu, hversu mikið þú þarft til að ná markmiðum þínum. Við getum ráðlagt þér persónulega í ráðgjöf hjá okkur. Við mælum þó í flestum tilfellum með 8-12 meðferðum sem eru gerðar vikulega, að auki sem við mælum með að koma í eina meðferð á 8 vikna fresti til að viðhalda árangrinum.

Er árangurinn í UltraBody Buttlift varanlegur?

Í UltraBody Buttlift meðferðunum er mælt með að koma í eina meðferð með um 8 vikna millibili eftir að meðferðarprógrammi lýkur til að halda árangrinum við.

Hvernig virkar UltraBody Contour meðferðin?

Meðferðin vinnur þríþætt á líkamanum með því að brjóta niður óæskilega fitu úr fitufrumunum og annaðhvort flytja hana yfir á rassinn (í Buttlift meðferðinni) til að auka ummálið eða vinna hana út úr líkamanum í gegnum sogæðakerfið ásamt því að hún þéttir lausa húð, bætir áferð húðar og mótar líkamann.

Hvað þarf að líða langt á milli meðferða?

Til að ná sem bestum árangri er ráðlagt að láta líða að minnsta kosti 7 daga á milli meðferða. Almennt er að meðferðirnar séu teknar með 7-10 daga millibili. Ekki er mælt með að láta líða meira en tvær vikur á milli meðferða til að tilætlaður árangur náist.


Hvað verður um fituna þegar unnið er á staðbundinni fitu?

Fitufrumurnar eru ennþá til staðar eftir meðferðina en tæknin gerir það að verkum að fitufruman mun tæma innihald sitt. Innihaldið í fitufrumunum samanstendur af vatni, glýseróli (sykur) og fríum fitusýrum. Eftir meðferð frásogast glýserólið eða sykurinn. Vatnið ber svo fríu fitusýrurnar í gegnum sogæðakerfið, í gegnum nýrun og lifrina og flyst hún síðan út úr líkamanum með svita, þvagi og úrgangi.

Munu sentimetrarnir sem ég losna við haldast eftir að meðferðarprógrammi er lokið?

Í meðferðinni erum við ekki að fjarlægja fitufrumurnar heldur minnka innihaldið í þeim svo eftir situr lítil og tæmd fitufruma og þar af leiðandi minna ummál, alveg eins og gerist þegar um náttúrulegt fitutap er að ræða. Það fer því aðallega eftir lífsstílnum þínum, ef þú heldur heilbrigðum lífstíl og mataræði þá mun árangurinn haldast, ef ekki þá er hætta á að fitufruman fyllist aftur af fitu með tímanum eins og myndi gerast með hefðbundnu fitutapi. Stundum getur verið ráðlagt að koma í eina viðhalds meðferð á 2-3 mánaða fresti til að viðhalda árangri.

Hvað mun ég þurfa mörg skipti?

Fjöldi skipta fer eftir hve miklum árangri þú vilt ná fram og svæðinu sjálfu, hversu mikið þú þarft til að ná markmiðum þínum. Við getum ráðlagt þér persónulega í ráðgjöf hjá okkur til að gefa þér áætlaðan fjölda.
Að meðaltali þá er heildar meðferðarprógramm á hvert svæði fyrir meðalmanneskju á milli 8-12 skipti sem tekin eru með viku til tíu daga millibili, svo að tilætluðum árangri sé náð. Færri skipti væru ekki talin sem heilt meðferðarprógramm og myndu því líklega ekki gefa tilætlaðan árangur. Ef að færri tímar eru teknir í upphafi getur viðkomandi átt von á því að þörf sé á að bæta við fleiri skiptum til að ná tilætluðum árangri og klára þar af leiðandi prógrammið.

Hvenær byrja ég að sjá árangur þegar prógrammið er byrjað?

Sjáanlegur árangur kemur að öllu jöfnu fram eftir tíma þrjú til fjögur í meðferðarprógramminu þrátt fyrir að ummálsminnkun á svæðinu megi yfirleitt sjá frá fyrsta tíma.

Húðþétting tekur að öllu jöfnu lengri tíma að fá sjáanlegan árangur heldur en þegar niðurbrot fitu er annarsvegar. Kollagen og elastin framleiðsla húðarinnar hefst um 8 dögum eftir fyrstu meðferð og heldur virknin svo áfram í 8 vikur eftir meðferð, því er endanlegur árangur meðferðar á húð komin fram u.þ.b. 2 mánuðum eftir að meðferðarprógrammi líkur. 

Af hverju fá sumir meiri árangur en aðrir?

Þeir sem ná að öllu jöfnu bestum árangri í Buttlift meðferðunum hafa einhverja fitu og/eða vöðva á rassinum til að vinna með og byggja ofaná. Ef rassinn er flatur og mjög lítil fylling til staðar þá mun viðkomandi þurfa töluvert fleiri meðferðir til að sjá og ná árangri og verður endanlegur árangur aldrei sá sami eins og hjá þeim sem hafa eitthvað til staðar til að byggja ofan á.

Við erum eins misjöfn og við erum mörg og líkami okkar bregst mismunandi við tækninni. Þar sem við erum að vinna með lifandi frumur, þá getum við aldrei sagt nákvæmlega fyrir  um það hvernig hver og einn bregst við meðferðinni og hversu hratt.

 Hjá sumum sjáum við árangurinn koma gríðarlega hratt á meðan það getur tekið lengri tíma hjá öðrum. Bara alveg eins og þegar fitutap verður með hefbundnum hætti með hreyfingu og mataræði, það gengur bara hraðar hjá sumum. Þarna kemur líka inní hvort sogæðakerfið sé að vinna hratt og vel ásamt öðrum líkamlegum þáttum og auðvitað lífsstíl líka.

Við reynum þó eftir bestu getu að finna út áður en meðferðarprógramm hefst hvort það sé eitthvað hjá viðkomandi sem geti dregið úr árangri með heilsufarsskýrslu, og spurningarlista til að hægt sé að gera viðeigandi ráðstafanir ef þarf til að sá hinn sami nái tilætluðum árangri. 

Ef fitusöfnun er lítil á meðferðarsvæðinu og verið að fínpússa svæðið þá missir sá hinn sami færri teljanlega sentimetra í heild á svæðinu í meðferðarprógramminu sínu heldur en ef um meiri fitusöfnun væri að ræða. Að auki sem sjáanlegur árangur er ekki eins áberandi eins og þegar viðkomandi hefur meiri fitu fyrir meðferðina til að fjarlægja. Það er einfaldlega bara minni fita til að taka og því minna ummál til að missa. 

Að sama skapi ef fitusöfnun er töluvert mikil á meðferðarsvæðinu þá getur verið að viðkomandi þurfi fleiri skipti en 8-12 skipti sem er meðaltalið til að ná tilskyldum árangri. 

Ef þér finnst árangurinn vera öðruísi eða hægari en hér er talað um þá viljum við heyra það og reyna að finna út með þér hvað veldur. Við erum líka með allskyns góð ráð sem geta hjálpað til og getum við þá sem dæmi aðstoðað sogæðakerfið að vinna hraðar með því að bæta inn öflugu sogæðameðferðinni okkar í prógrammið þitt og fleira.

Ef eitthvað af eftirfarandi á við hjá þér er þér ráðlagt frá því að fara í UltraBody meðferð:

Möguleiki að greiða með kortum og fá kortalaus lán með Netgíró og Pei hér á netversluninni. Einnig er möguleiki að kaupa meðferðir og pakka með  raðgreiðslum á kreditkort og er það þá gert hjá okkur á staðnum.

ATH! Vegna mikillar eftirspurnar getur verið nokkra vikna bið í ákveðnar meðferðir og því hvetjum við ykkur til að bóka meðferðir og meðferðarpakkana með góðum fyrirvara.