Upper Back Sculpt

Í Upper Back Sculpt meðferðinni vinnum við á fitusöfnun og lausri húð á efra baki (bra rolls) brjóstarhaldarasvæðið, við brjótum niður fitu ásamt því að við þéttum og stinnum slappa húð á svæðinu og örvum sogæðakerfið til að vinna hraðar.

Nú geturðu þétt lausa húð, losað þig við staðbundna fitu, án áhættu sem fylgir skurðaðgerð.

Fyrsta skrefið er alltaf persónuleg ráðgjöf

Áður en meðferð hefst leggjum við áherslu á að byrja á faglegri ráðgjöf þar sem við greinum stöðuna, skoðum markmiðin þín og metum hvaða árangur er raunhæfur fyrir þig.

UltraBody meðferðir eru alltaf sérsniðnar að hverjum og einum því skiptir máli að velja rétt prógramm frá upphafi til að ná sem bestum árangri.

👉 Bókaðu ráðgjöf og fáðu skýra sýn á næstu skref

UltraBody Upper Back Sculpt

Meðferðin er sérstaklega hönnuð til að vinna á fitubólgum á efra bakinu sem safnast gjarnan í kringum brjóstahaldarasvæðið. Með háþróaðri tækni til að vinna á fitusöfnun og þétta slappa húð dregur meðferðin úr þrálátri fitusöfnun og styrkir lausa húð á brjóstahaldarasvæðinu. 

Ný og endurbætt meðferðaraðferð fyrir hraðari og betri lokaárangur.

Skref 1: Við byrjum á því að undirbúa fitufrumurnar á efri baksvæðinu með mildri Laser Lipo tækni sem beint er að fitubólgum við brjóstahaldara svæðið. Þetta skref örvar fitufrumurnar og breytir eiginleikum himnu fitufrumanna til að hefja ferlið.

Skref 2: Næst beitum við sértækum hita á dýpri húðlög til að stuðla að bæði niðurbroti á fitu og húðstyrkingu á svæðinu með áherslu á að minnka fellingar á brjóstahaldarasvæðinu. Þessi milda en áhrifaríka upphitun brýtur niður fitu úr fitufrumunum og örvar framleiðslu á kollageni og elastíni til að flýta fyrir endurnýjun frumna. Niðurstaðan er sléttari, stinnari húð með minni fellingum og mótað efri bak.

Skref 3: Í þessu skrefi notum við neikvæðan þrýsting til að losa um eiturefni og óæskilega fitu á brjóstahaldarasvæðinu. Þetta ferli eykur sogæða- og blóðflæðið, sem hraðar náttúrulegri getu líkamans til að fjarlægja fituna sem við brutum niður út úr líkamanum á skilvirkan hátt. Með því að styðja við þessa náttúrulegu losun eflum við virkni meðferðarinnar og styðjum við ferli líkamans til ná fram hraðari árangri.

Skref 4: Þá setjum við öflugt húðstyrkjandi serum í dýpri húðlög á brjóstarhaldarasvæðinu með háþróaðri meðferðartækni sem nefnist Virtual Mesotherapy, einnig þekkt sem sýndarnálarmeðferð. Þessi nálalausa aðferð skilar seruminu á áhrifaríkan hátt inní dýpstu lög húðarinnar, eykur stinnleika og sléttir húðina enn frekar á efra bakinu.

Skref 5: Að lokum berum við á fituleysandi serum á brjóstahaldarasvæðið til að minnka enn frekar þráláta fitusöfnun. Þetta lokaskref fullkomnar árangurinn.

Heildartími meðferðar er 80 mínútur.

Ultra Body CONTOUR er byltingarkennd, örugg, sársaukalaus og þægileg leið til að minnka fitu, móta línur og þétta húðina án inngripa.

UltraBody meðferðirnar sameina nokkra þætti í einu og sömu meðferðinni og er þetta því heildstæð meðferð sem vinnur á staðbundinni fitu, húðstyrkingu og húðþéttingu, appelsínuhúð og líkamsmótun allt í senn.

Ábyrgð á Árangri

Með því að kaupa 12 skipti af UltraBody Sculpt meðferð eða 10 vikna Reset and Transformation prógram getur þú átt möguleika á að fá ábyrgð á þínum árangri, sjá hér.

Spurningar og svör

Hvernig virkar UltraBody Contour meðferðin?

Meðferðin vinnur þríþætt á líkamanum með því að brjóta niður óæskilega fitu úr fitufrumunum og annaðhvort flytja hana yfir á rassinn (í Buttlift meðferðinni) til að auka ummálið eða vinna hana út úr líkamanum í gegnum sogæðakerfið ásamt því að hún þéttir lausa húð, bætir áferð húðar og mótar líkamann.

Hvað þarf að líða langt á milli meðferða?

Til að ná sem bestum árangri er ráðlagt að láta líða að minnsta kosti 7 daga á milli meðferða. Almennt er að meðferðirnar séu teknar með 7-10 daga millibili. Ekki er mælt með að láta líða meira en tvær vikur á milli meðferða til að tilætlaður árangur náist.


Hvað verður um fituna þegar unnið er á staðbundinni fitu?

Fitufrumurnar eru ennþá til staðar eftir meðferðina en tæknin gerir það að verkum að fitufruman mun tæma innihald sitt. Innihaldið í fitufrumunum samanstendur af vatni, glýseróli (sykur) og fríum fitusýrum. Eftir meðferð frásogast glýserólið eða sykurinn. Vatnið ber svo fríu fitusýrurnar í gegnum sogæðakerfið, í gegnum nýrun og lifrina og flyst hún síðan út úr líkamanum með svita, þvagi og úrgangi.

Munu sentimetrarnir sem ég losna við haldast eftir að meðferðarprógrammi er lokið?

Í meðferðinni erum við ekki að fjarlægja fitufrumurnar heldur minnka innihaldið í þeim svo eftir situr lítil og tæmd fitufruma og þar af leiðandi minna ummál, alveg eins og gerist þegar um náttúrulegt fitutap er að ræða. Það fer því aðallega eftir lífsstílnum þínum, ef þú heldur heilbrigðum lífstíl og mataræði þá mun árangurinn haldast, ef ekki þá er hætta á að fitufruman fyllist aftur af fitu með tímanum eins og myndi gerast með hefðbundnu fitutapi. Stundum getur verið ráðlagt að koma í eina viðhalds meðferð á 2-3 mánaða fresti til að viðhalda árangri.

Af hverju eru mörg skref í hverri meðferð?

Hjá The House of Beauty vinnum við aldrei á einungis einum þætti þegar markmiðið er falleg og náttúruleg líkamsmótun. Árangur næst best þegar margir lykilþættir vinna saman.

UltraBody SCULPT meðferðirnar eru hannaðar til að brjóta niður fitu, þétta húð og virkja sogæðakerfið – allt í einni og sömu meðferð. Það er ekki tilviljun heldur meðvitað.

Ef eingöngu er unnið að því að minnka fitu, án þess að þétta húðina á sama tíma, getur húðin setið eftir slöpp og lafandi. Tökum sem dæmi upphandleggi: ef fitan minnkar en húðin dregst ekki saman, getur útlitið orðið slappari en áður – þrátt fyrir minna ummál.

Sama á við um kviðsvæði. Ef aðeins er brotin niður fita á maga, en húðin ekki örvuð til að dragast saman, getur myndast laus húð eða svokölluð svunta. Spurningin er þá hvort það líti betur út en það að hafa örlítið af fitu sem heldur húðinni uppi. Oft er svarið nei.

Þess vegna vinnum við aldrei fituniðurbrot eitt og sér.

Í UltraBody SCULPT meðferðinni eru fjögur markviss skref: fituniðurbrot, tæming fitufrumna, húðþétting og sogæðastuðningur. Þegar fita er brotin niður þarf líkaminn að geta losað hana út. Þegar ummál minnkar þarf húðin að geta dregist saman. Og þegar unnið er djúpt í vefjum þarf sogæðakerfið að vera virkt.

Þessir þættir styðja hver annan – og saman tryggja þeir að árangur verði hámarkaður.

Raunveruleg líkamsmótun snýst ekki bara um sentímetra. Hún snýst um lögun, stinna húð og sléttara yfirborð. Með því að vinna þessa þætti saman á faglegan og markvissan hátt hámörkum við árangur hvers og eins – í stað þess að einblína á eitt markmið sem ætti í raun alltaf að vera hluti af stærra heildarferli.

Það er nákvæmlega ástæðan fyrir því að við myndum aldrei mæla með fituniðurbroti einu og sér.

Hvað mun ég þurfa mörg skipti?

Fjöldi skipta fer eftir hve miklum árangri þú vilt ná fram og svæðinu sjálfu, hversu mikið þú þarft til að ná markmiðum þínum. Við getum ráðlagt þér persónulega í ráðgjöf hjá okkur til að gefa þér áætlaðan fjölda.
Að meðaltali þá er heildar meðferðarprógramm fyrir meðalmanneskju á milli 6-9 skipti fyrir undirhöku og 8-12 skipti fyrir öll önnur svæði sem tekin eru með viku til tíu daga millibili, svo að tilætluðum árangri sé náð. Færri skipti væru ekki talin sem heilt meðferðarprógramm og myndu því líklega ekki gefa tilætlaðan árangur. Ef að færri tímar eru teknir í upphafi getur viðkomandi átt von á því að þörf sé á að bæta við fleiri skiptum til að ná tilætluðum árangri og klára þar af leiðandi prógrammið.

Hvenær byrja ég að sjá árangur þegar prógrammið er byrjað?

Sjáanlegur árangur kemur að öllu jöfnu fram eftir tíma þrjú til fjögur í meðferðarprógramminu þrátt fyrir að ummálsminnkun á svæðinu megi yfirleitt sjá frá fyrsta tíma.

Húðþétting tekur að öllu jöfnu lengri tíma að fá sjáanlegan árangur heldur en þegar niðurbrot fitu er annarsvegar. Kollagen og elastin framleiðsla húðarinnar hefst um 8 dögum eftir fyrstu meðferð og heldur virknin svo áfram í 8 vikur eftir meðferð, því er endanlegur árangur meðferðar á húð komin fram u.þ.b. 2 mánuðum eftir að meðferðarprógrammi líkur. 

Af hverju fá sumir meiri árangur en aðrir?

Við erum eins misjöfn og við erum mörg og líkami okkar bregst mismunandi við tækninni. Þar sem við erum að vinna með lifandi frumur, þá getum við aldrei sagt nákvæmlega fyrir  um það hvernig hver og einn bregst við meðferðinni og hversu hratt.

 Hjá sumum sjáum við árangurinn koma gríðarlega hratt á meðan það getur tekið lengri tíma hjá öðrum. Bara alveg eins og þegar fitutap verður með hefbundnum hætti með hreyfingu og mataræði, það gengur bara hraðar hjá sumum. Þarna kemur líka inní hvort sogæðakerfið sé að vinna hratt og vel ásamt öðrum líkamlegum þáttum og auðvitað lífsstíl líka.

Við reynum þó eftir bestu getu að finna út áður en meðferðarprógramm hefst hvort það sé eitthvað hjá viðkomandi sem geti dregið úr árangri með heilsufarsskýrslu, og spurningarlista til að hægt sé að gera viðeigandi ráðstafanir ef þarf til að sá hinn sami nái tilætluðum árangri. 

Ef fitusöfnun er lítil á meðferðarsvæðinu og verið að fínpússa svæðið þá missir sá hinn sami færri teljanlega sentimetra í heild á svæðinu í meðferðarprógramminu sínu heldur en ef um meiri fitusöfnun væri að ræða. Að auki sem sjáanlegur árangur er ekki eins áberandi eins og þegar viðkomandi hefur meiri fitu fyrir meðferðina til að fjarlægja. Það er einfaldlega bara minni fita til að taka og því minna ummál til að missa. 

Að sama skapi ef fitusöfnun er töluvert mikil á meðferðarsvæðinu þá getur verið að viðkomandi þurfi fleiri skipti en 8-12 skipti sem er meðaltalið til að ná tilskyldum árangri. 

Ef þér finnst árangurinn vera öðruísi eða hægari en hér er talað um þá viljum við heyra það og reyna að finna út með þér hvað veldur. Við erum líka með allskyns góð ráð sem geta hjálpað til og getum við þá sem dæmi aðstoðað sogæðakerfið að vinna hraðar með því að bæta inn öflugu sogæðameðferðinni okkar í prógrammið þitt og fleira.

Ef eitthvað af eftirfarandi á við hjá þér er þér ráðlagt frá því að fara í UltraBody meðferð:

Kynntu þér UltraBody betur hér

Möguleiki að greiða með kortum og fá kortalaus lán með Netgíró og Pei hér á netversluninni. Einnig er möguleiki að kaupa meðferðir og pakka með  raðgreiðslum á kreditkort og er það þá gert hjá okkur á staðnum.

Ath! Vegna mikillar eftirspurnar getur verið nokkra vikna bið í ákveðnar meðferðir og því hvetjum við ykkur til að bóka meðferðir og meðferðarpakkana með góðum fyrirvara.